ක්ලබ් වසන්තගේ බිරිඳගේ තත්ත්වය බරපතලයි

පසුගිය 08 වැනිදා අතුරුගිරියේ ටැටූ මධ්‍යස්ථානයක් තුළදී වෙඩි වැදීමෙන් ඝාතනයට ලක් වූ ක්ලබ් වසන්තගේ බිරිඳගේ තත්ත්වය බරපතල බව රෝහල් ආරංචිමාර්ග පවසනවා.

මෙම වෙඩි තැබීමෙන් බරපතල තුවාල ලැබූ ඇය මේ වනවිට කළුබෝවිල රෝහලේ දැඩිසත්කාර ඒකකයේ ප්‍රතිකාර ලබනවා.

එමෙන්ම හෝමාගම මූලික රෝහලේ දැඩිසත්කාර ඒකකයේ ප්‍රතිකාර ලබන ටැටූ ව්‍යාපාරික ස්ථානයේ හිමිකරුගේ නැගණියගේද තත්ත්වය බරපතළ බවයි වාර්තා වන්නේ.

මෙම වෙඩි තැබීමෙන් ජනප්‍රිය ගායන ශිල්පිණී කේ. සුජීවා ඇතුළු 06 දෙනෙක් තුවාල ලබා රෝහල්ගත කෙරුණා.

සිද්ධිය සම්බන්ධයෙන් බස්නාහිර පළාත් අපරාධ කොට්ඨාසය ඇතුළු පොලිස් කණ්ඩායම් 10ක් වැඩිදුර විමර්ශන සිදුකරනු ලබනවා.