54
ශ්‍රී ලංකා වේග පන්දු යවන ක්‍රීඩක නුවන් තුෂාරට පන්දුවාර විස්සයි 20 ක්‍රිකට් තරගාවලිය ක්‍රීඩා කිරීමේ අවස්ථාව අහිමි වී තිබෙනවා.
ඊයේ (24) මහනුවර පල්ලේකැලේ ක්‍රීඩාංගණයේ දී සිදු කළ පන්දු රැකීමේ පුහුණුවීම් අතරතුරදී ඔහුගේ වම් අතෙහි ඇගිල්ලක සිදු වූ අස්ථි බිදී යාමක් හේතුවෙනුයි ඔහුට මෙම තරගාවලිය අහිමි වී ඇත්තේ.
ශ්‍රී ලංකා ක්‍රිකට් ආයතනය පවසන්නේ ඔහු වෙනුවට වේග පන්දු යවන ක්‍රීඩක ඩිල්ෂාන් මදුෂංක සංචිතයට ආදේශ කිරීමටයි කටයුතු කළ බවයි.
