රෝහිත් ෂර්මා ටෙස්ට් පිටියට සමුදෙයි

ඉන්දීය ක්‍රීඩක රෝහිත් ෂර්මා සිය ටෙස්ට් ක්‍රිකට් දිවියට සමුදීමට තීරණය කර තිබෙනවා.

ඔහු සිය ඉන්ස්ටග්‍රෑම් ගිණුමෙහි සටහනක් තබමින් මේ පිළිබඳව නිවේදනය කර තිබුණා.

“හැමෝටම ආයුබෝවන්, මම ටෙස්ට් ක්‍රිකට් ක්‍රීඩාවෙන් විශ්‍රාම යන බව දැන්වීමට කැමතියි. සුදු ඇඳුමින් මගේ රට නියෝජනය කිරීමට ලැබීම ලොකු ගෞරවයක්. මේ වසර පුරාම ඔබ ලබා දුන් ආදරය සහ සහයෝගයට ස්තූතියි. කොහොම වුණත් මම ටෙස්ට් ක්‍රිකට් ක්‍රීඩාවෙන් සමුගත්තත් එක්දින තරඟවලට සහභාගී වෙනවා.”

මේ වනවිට 38 හැවිරිදි වියේ පසුවන ඔහු තම වෘත්තීය ජීවිතයේ දෙවන භාගයේදී ඉන්දියාවේ වඩාත්ම සාර්ථක ටෙස්ට් පිතිකරුවා වූ අතර, ටෙස්ට් 67 කදී ශතක 12 ක් සහ අර්ධ ශතක 18 ක් සමඟින් ලකුණු 4301 ක් ලබා ගෙන තිබීම විශේෂත්වයක්.