කතරගම සුරාසැල් හෙට සිට වැසෙයි

කතරගම ප්‍රාදේශීය ලේකම් කොට්ඨාශය තුළ සියලුම සිල්ලර මත්පැන් අලෙවිසැල් වසා තැබීමට සුරාබදු දෙපාර්තමේන්තුව තීරණය කර තිබෙනවා.

ඒ අනුව හෙට (06) සිට ලබන 22 වනිදා දක්වා දින 17ක් කතරගම ප්‍රාදේශීය ලේකම් කොට්ඨාශය තුළ සියලුම සිල්ලර මත්පැන් අලෙවිසැල් වසා තැබෙනු ඇති.

රුහුණු මහා කතරගම දේවාලයේ වාර්ෂික ඇසළ මංගල්‍යය හේතුවෙනුයි මෙලෙස සුරාසැල් වසා දැමීමට තීරණය කර ඇත්තේ.