ශ්‍රී ලංකන් ගුවන් සේවයට එක්වූ අලුත්ම හැඩකාරයා

ශ්‍රී ලංකන් ගුවන් සේවයේ ගුවන් යානා බලඇණිය තව දුරටත් පුළුල් කරමින් A330-200 පුළුල් බද සහිත යානය අද (04) දිවයිනට පැමිණියා.

මෙම යානය අද (04) උදෑසන ප්‍රංශයේ පැරිස් නුවර සිට මෙරටට පැමිණි අතර ගුවන් යානය කටුනායක ගුවන්තොටුපළට ගොඩබැස්වීමට පෙර කොළඹ සහ කටුනායක ප්‍රදේශ හරහා පහතින් පියාසර කරනු ලැබුවා.

ශ්‍රී ලංකන් ගුවන් සේවය වසර 7 කට පසු ලබාගත් මුල්ම Wide-body වර්ගයේ ගුවන් යානය මෙය වීම විශේෂත්වයක්.

මෙම ගුවන් යානයත් සමඟ ශ්‍රී ලංකන් ගුවන් සේවය සතු ගුවන් යානා සංඛ්‍යාව 23 ක් දක්වා ඉහළ ගොස් තිබෙනවා.