Sport

සංචාරක ඉන්දීය කණ්ඩායමට එරෙහිව පැවැත්වූ තුන්වන එක්දින තරගයේ දී ලකුණු 110ක විශිෂ්ඨ ජයක් වාර්තා කිරීමට ශ්‍රී ලංකා කණ්ඩායම සමත්වුණා.

ඊයේ (07) පැවති තරගයේ කාසියේ වාසිය දිනාගත් ශ්‍රී ලංකා කණ්ඩායම තීරණය කළේ පළමුව පන්දුවට පහර දීමටයි.

නියමිත පන්දුවාර 50 අවසානයේ කඩුලු 7ක් දැවී ලකුණු 248ක් ලබා ගැනීමට ශ්‍රී ලංකා කණ්ඩායම සමත් වූ අතර ඉන්දියානු කණ්ඩායමට ලබාගැනීමට හැකිවූයේ පන්දුවාර 26යි එක් පන්දුවක් අවසානයේ කඩුලු සියල්ල දැවී ලකුණු 138ක් පමණයි.

පැතුම් නිස්සංක ලකුණු 45ක් ද අවිශ්ක ප්‍රනාන්දු ශතකය ආසන්නයේ පසුවෙද්දී ලකුණු 96ක් ලබාගනිමින් අවාසනාවන්ත ලෙස දැවී ගියා.

ලකුණු 249ක ජයග්‍රාහී ඉලක්කයක් හඹායාමට පිටියට පිවිසි ඉන්දීය කණ්ඩායමේ මුල් කඩුලු 5 ලකුණු 73කට දවාගැනීමට ශ්‍රී ලංකා පන්දු යවන්නන් සමත්වුණා.

ශ්‍රී ලංකා කණ්ඩායම එක්දින තරගාවලියක් ඉන්දියාවට එරෙහිව ජයග්‍රහණය කළේ වසර 27 කට පසුව වීම විශේෂත්වයක්.

2024 ආසියානු කුසලාන කාන්තා 20-20 තරගාවලියේ ශූරතාව හිමිකර ගන්නට ශ්‍රී ලංකා කාන්තා කණ්ඩායම අද (28) සමත් වුණා.

ඒ ඉන්දීය කාන්තා ක්‍රිකට් කණ්ඩායමට එරෙහිව දඹුල්ල ජාත්‍යන්තර ක්‍රිකට් ක්‍රීඩාංගණයේ පැවති අවසන් මහා තරගය කඩුලු 08කින් ජය ගනිමින්.

තරගයේ පළමුවෙන් පන්දුවට පහර දුන් ඉන්දීය කාන්තා කණ්ඩායම නියමිත පන්දුවාර 20 අවසානයේ කඩුලු 06ක් දැවී ලකුණු 165ක් ලබා ගත්තා.

ඉන් අනතුරුව ලකුණු 166ක ඉලක්කයක් හඹා ශ්‍රී ලංකා ක්‍රීඩිකාවන් යාමට පන්දුවාර 18යි පන්දු 04ක් අවසානයේ කඩුලු 02ක් පමණක් දැවී ලකුණු 167ක් ගනිමින් ජයග්‍රහණය තහවුරු කර ගැනීමට සමත් වුණා.

ශ්‍රී ලංකා ඉනිම වෙනුවෙන් නායිකා චමරි අතපත්තු හයේ පහර 02ක් සහ හතරේ පහර 09ක් සමගින් ලකුණු 61ක් රැස් කළා.

තරගයේ වීරවරිය වූ හර්ෂිතා සමරවික්‍රම නොදැවී ලකුණු 69ක් රැස් කළා.

ශ්‍රී ලංකා කාන්තා කණ්ඩායම ආසියානු කුසලානයක් ජයග්‍රහණය කළේ ඉතිහාසයේ පළමු වරට වීම විශේෂත්වයක්.

2024 LPL තරඟාවලියේ මහනුවර ෆැල්කන්ස් කණ්ඩායමේ නායක වනිඳු හසරංගට රුපියල් ලක්ෂ 11ක දඩයක් පනවා ඇති බව වාර්තා වනවා.

තරඟ කමිටුව පවසන්නේ LPL තරඟයේ ඇඳුම් පැළඳුම්වලට අදාළ නීති කඩ කිරීම හේතුවෙන් ඔහුට මෙම දඩය නියම කර ඇති බවයි.

තරඟයට සහභාගී වන සියලුම ක්‍රීඩකයින්ට ඔවුන්ගේ කණ්ඩායම්වල ඇඳුම් ලබාදී තිබුණද වනිඳු වෙනත් ලාංඡනයක් සහිත හිස්වැසුමක් පැළඳ පිටියට පැමිණීම හේතුවෙන් ඔහුට මෙම දඩය නියම කර ඇති බවයි වාර්තා වන්නේ.