මාසික ඉන්ධන මිල සූත්‍රය අනුව අද (31) ඉන්ධන මිලේ සංශෝධනයක් සිදුවීමට නියමිතයි.
කෙසේනමුත් පසුගිය ජූලි මාසයේදී රජය විසින් ඉන්ධන මිල සංශෝධනයක් සිදු කළේ නැහැ.
අවසන් වරට ඉන්ධන මිල සංශෝධනයක් සිදු වූයේ පසුගිය ජුනි 30 වැනිදායි.
එහිදී ඔක්ටේන් 92 පෙට්‍රල් ලීටරයක මිල රු. 344ක් වූ අතර ඔක්ටේන් 95 පෙට්‍රල් ලීටරයක් රු. ලීටරයක් 379 ක් ද, සුපර් ඩීසල් රු. 355ක් හා භූමිතෙල් ලීටරයක මිල රු. ලීටරයකට 202ක් ලෙස ද මිල නියම වුණා.
ජනාධිපතිවරණයට අදාළව මැතිවරණ කොමිෂන් සභාව වෙත ලැබී ඇති පැමිණිලි තවදුරටත් ඉහළ ගොස් තිබෙනවා.
ඒ අනුව ඊයේ (30) දිනය දක්වා ලැබී ඇති මුළු මැතිවරණ පැමිණිලි සංඛ්‍යාව 1592 දක්වා ඉහළ ගොස් ඇති බව මැතිවරණ කොමිසම පවසනවා.
ඉන් මැතිවරණ නීති උල්ලංඝනය කිරීම් සම්බන්ධයෙන් පැමිණිලි 1526ක් ලැබී ඇති අතර ප්‍රචණ්ඩ ක්‍රියා සම්බන්ධයෙන් පැමිණිලි 08ක් සහ වෙනත් පැමිණිලි 58ක් වාර්තා වී තිබෙනවා.
එක්සත් ආරාබි එමීර් රාජ්‍යයේ නීති විරෝධීව රැඳී සිටින පුද්ගලයින්ට එරටින් පිටවීම සඳහා පොදු සමා කාලයක් ප්‍රකාශයට පත් කර තිබෙනවා.
ඒඅ අනුව හෙට (01) සිට ලබන මස 31 වැනිදා දක්වා එම පොදු සමා කාලය ක්‍රියාත්මකයි.
මෙහිදී වලංගු වීසා නොමැතිව එරට රැඳි සිටින පුද්ගලයින්ට හා සේවා යෝජකයාගේ නීත්‍යානුකූල අවසරයකින් තොරව සේවා ස්ථානයෙන් බැහැරව රැකියාවන නියතු වුවන්ට දඩ මුදල් අය කිරීමකින් තොරව එරටින් බැහැර වීමට අවකාශ සැලසෙනු ඇති.
එක්සත් අරාබි එමීර් රාජ්‍යයේ නීති විරෝධීව රැඳී සිටින ශ්‍රී ලාංකිකයින්ට අදාළ කාලය තුළ විශේෂ සේවා ලබා දීම සඳහා ඩුබායිහි පිහිටි ශ්‍රී ලංකා කන්සියුලර් කාර්යාලය වැඩපිළිවෙළක් සකස් කර ඇති බව ද විදේශ සේවා නියුක්ති කාර්යාංශය පවසයි.
මෙම පොදු සමා කාලය යටතේ එරටින් පිටවීමට අපේක්ෂා කරන්නේ නම්, පිටවීමේ අවසර පත්‍රය ලබාගෙන දින 14ක් තුළ එක්සත් අරාබි එමීර් රාජ්‍යයෙන් පිටත් විය යුතුයි.
ශ්‍රී ලංකා විදේශ සේවා නියුක්ති කාර්යාංශය මහ ජනතාවගෙන් ඉල්ලා සිටින්නේ තමන්ගේ ඥාතියෙකු හෝ හිතවතෙකු එක්සත් අරාබි එමීර් රාජ්‍යයේ නීතිවිරෝධිව රැදී සිටින්නේ නම් මෙම පොදු සමා කාලය පිළිබදව ඔවුන් දැනුවත් කරන ලෙසයි.
මෙරට ප්‍රබල මත්ද්‍රව්‍ය ජාවාරම්කරුවෙක් වන ශිරාන් බාසික් නැමැත්තාගේ පුතා වන නදීන් බාසික් නැමැත්තා අද (28) කටුනායක ගුවන්තොටුපොළේදී අත්අඩංගුවට ගෙන තිබේ.
ඔහු ඊයේ (27) රාත්‍රියේ ඩුබායි රාජ්‍යයේ සිට මෙරටට පැමිණෙමින් සිටිය දී පොලිස් විශේෂ කාර්ය බළකාය විසිනුයි මෙලෙස අත්අඩංගුවට ගෙන ඇත්තේ.
ලංකාවට මත්ද්‍රව්‍ය බෙදාහරින ප්‍රධාන මත්ද්‍රව්‍ය ජාවාරම්කරුවෙක් ලෙස සැලකෙන ශිරාන් බාසික් හැඳින්වෙන්නේ මෙරට මත්ද්‍රව්‍ය ජාලයේ ‘ගෝඩ් ෆාදර්’ ලෙසයි.
ඔහුගේ පුත්‍රයා පසුගිය පෙබරවාරි මස 16 වැනිදා වැල්ලවත්ත නිවාස සංකීර්ණයක සිදු කළ වැටලීමකදී රාජකාරියේ යෙදී සිටි විශේෂ කාර්ය බළකා නිලධාරීයෙකු අනතුරට පත් කර පොලිස් යතුරු පැදියක් හප්පා පළා ගොස් ඩුබායි රාජ්‍යයේ සැඟව සිටියා.
කෙරවලපිටිය ‘සොබාධනවි’ සංයුක්ත චක්‍රීය විදුලි බලාගාරයේ පළමු අදියර අද (28) ජනාධිපති රනිල් වික්‍රමසිංහ අතින් විවෘත කෙරුණා.
ශ්‍රී ලංකාවේ බලශක්ති ක්ෂේත්‍රයේ සුවිශේෂී සන්ධිස්ථානයක් සනිටුහන් කරමින්, ප්‍රාථමික ඉන්ධන ප්‍රභවය ලෙස ද්‍රවකෘත ස්වභාවික වායුව (ළ්ණ්ඝ්) භාවිතා කරමින් මෙහෙයුම් කටයුතු සිදු කරනු ලබන ශ්‍රී ලංකාවේ ප්‍රථම විදුලි බලාගාරය වන්නේ මෙයයි.
මෙම විදුලි බලාගාරය මෙගාවොට් 350ක ධාරිතාවකින් යුක්ත වනවා.
ජාත්‍යන්තර ක්‍රිකට් කවුන්සිලයේ (ICC) නව සභාපතිවරයා ලෙස ඉන්දීය ක්‍රිකට් පාලක මණඩලයේ වත්මන් ලේකම් ජේ.ෂා නිතරගයෙන් තේරී පත්ව ඇති බව වාර්තා වනවා.
මේ වනවිට ජාත්‍යන්තර ක්‍රිකට් කවුන්සිලයේ සභාපතිවරයා ලෙස නවසීලන්ත ජාතික Greg Barclay මේ වනවිට කටයුතු කරනු ලබනවා.
35 හැවිරිදි ලේකම් ජේ.ෂා එළඹෙන දෙසැම්බර් 01 වැනිදා සිට ICC යේ සභාපති ධුරයේ කටයුතු කිරීමට නියමිත බවයි ජාත්‍යන්තර ක්‍රිකට් කවුන්සිලය පවසන්නේ.
ඒ අනුව ජාත්‍යන්තර ක්‍රිකට් කවුන්සිලයේ සභාපති ධුරයට පත් ලාබාලතම පුද්ගලයා වශයෙන් ජේ ෂා ඉතිහාස පොත් අතරට එක්වනවා.
ජනාධිපති රනිල් වික්‍රමසිංහ අද (27) පෙරවරුවේ ශ්‍රී ලංකා රාමඤ්ඤ මහා නිකායේ මහානායක අග්ගමහා පණ්ඩිත අතිපූජ්‍ය මකුලෑවේ විමල නායක හිමිපාණන් වහන්සේ ප්‍රමුඛ නිකායික මහා සංඝරත්නය බැහැදැක ආශිර්වාද ලබා ගත්තේය.
ජනාධිපතිවරයා අද උදෑසන නාරාහේන්පිට පිහිටි ශ්‍රී ලංකා රාමඤ්ඤ මහා නිකායේ සංඝ මූලස්ථානය වෙත පැමිණියා.
හිටපු රාජ්‍ය අමාත්‍ය ඒ. එච්. එම් ෆවුසිට වසර 2ක බරපතළ වැඩ සහිත සිර දඬුවම් නියම කර තිබෙනවා.
කොළඹ මහාධිකරණ විනිසුරු නවරත්න මාරසිංහ විසිනුයි අද (27) මෙම නියෝගය නිකුත් කර ඇත්තේ.
මෙම දෙවසරක සිර දඬුවම වසර 10ක කාලයකට අත්හිටුවීමට ද මහාධිකරණ විනිසුරුවරයා නියෝග කළා.
2010 වසරේ දී ඒ. එච්. එම් ෆවුසි ආපදා කළමනාකරණ අමාත්‍යවරයා ලෙස කටයුතු කරමින් සිටිය දී එම අමාත්‍යාංශයේ ආපදා කළමනාකරණ කටයුතු සඳහා නෙදර්ලන්තයෙන් හිමිවූ රුපියල් කෝටි 2කට ආසන්න සුඛෝපභෝගි වාහනයක් සිය පෞද්ගලික පරිහරණය සඳහා යොදවා ගැනීම, ඒ සඳහා අමාත්‍යාංශ ලේකම්වරිය ඇතුළු බලධාරීන් පෙළඹවීම හා වාහනයේ නඩත්තු කටයුතු සඳහා රුපියල් ලක්ෂ 10කට ආසන්න මුදල් අමාත්‍යාංශ මුදලින් වැය කිරීම ආදි අධිචෝදනා 4ක් යටතේ නීතිපතිවරයා විසින් ඔහුට එරෙහිව නඩු පවරා තිබුණා.
කෙසේනමුත් අධිකරණය හමුවේ එම වරද පිළිගැනීමෙන් අනතුරුව ඔහුව එම චෝදනාවට වරදකරු කරමින් අධිකරණය එම නියෝගය ලබාදුන්නා.
එමෙන්ම විත්තිකරුට ලක්ෂ 4ක දඩයක් ගෙවීමට ද විනිසුරුවරයා නියෝග කළා.
ධීවර රාජ්‍ය අමාත්‍ය පියල් නිශාන්ත තමන් යටතේ තිබූ රාජ්‍ය ආයතනවල වගකීම්වලින් ඉවත් වී ඇති බව වාර්තා වනවා.
ඔහු මේ පිළිබඳව ධීවර අමාත්‍ය ඩග්ලස් දේවානන්දාට දැනුම් දී තිබෙනවා.
තමන්ට ඇති පුද්ගලික හා රාජකාරීමය හේතු කිහිපයක් මත මෙම තීරණය ගත් බවයි රාජ්‍ය අමාත්‍ය පියල් නිශාන්ත පැවසුවේ.
ඒ අනුව රාජ්‍ය ඇමැති පියල් නිශාන්ත සිය වගකීම යටතේ පැවතුණු ලංකා ධීවර සංස්ථාව, නාරා ආයතනය, සීනෝර් ආයතනය, නෝර්ත් සී යන ආයතනවලින් ඉවත් වීමට පියවර ගෙන ඇති බවයි වාර්තා වන්නේ.
මරදාන දුම්රිය ස්ථානයේදී අද (25) උදෑසන ඉන්ධන දුම්රියක් පීලි පැනීමකට ලක්ව ඇති අතර මේ හේතුවෙන් දුම්රිය වේදිකාවට ද දැඩි හානි සිදුව තිබෙනවා.
මේ හේතුවෙන් මරදාන දුම්රිය ස්ථානයේ 1, 2, සහ 3 යන දුම්රිය වේදිකා අවහිර වී ඇති බවයි වාර්තා වන්නේ.
මරදාන දුම්රිය ස්ථානයෙන් සහ කොළඹ කොටුවෙන් ගමන් ආරම්භ කරන සියලු දුම්රියන් මේ හේතුවෙන් ප්‍රමාදයන් වී ධාවනය වන බව දුම්රිය දෙපාර්තමේන්තුව පවසනවා.
@2021 – All Right Reserved. Designed and Developed by Parislanka (pvt)ltd
